قتب .. عارف القتب ؟ اللي عند احدب ده .. ايوة هو ده , في مجتمعنا المرأة تعامل نفس معاملة القتب كدة.. هي جزء من حد تاني , لكن هي مش حد قائم كدة على حيله لوحده .. دايما هي كائن ملحق بكائن اخر له سلطة اعلى منها .
المرأة في الاول بتبقى في مرحلة التابعة للأب .. هي جزء منه , و جزء اللي هو خنيق يعني عشان هي بنت و بيخاف عليها من ولاد الحرام اللي طمعانين فيها في الجامعة او الشغل او الشارع عشان هو طبعا مخلِف مارلين مونرو .
المرأة في مرحلة بعديها بتبقى في مرحلة التابعة للزوج .. هي جزء منه , الجزء اللي هو لازم يروح البيت بدري عشان هو مش ناقص وجع دماغ بقى يقعد يشغل باله ليه .. او هي الجماعة , او أم العيال .
فكرة معاملة المرأة ككائن مستقل عادي فكرة غير موجودة .. لأ هي لازقة لمؤاخذة دايما في حد .. ف عشان تخرج من السجن الصغير اللي ابوها عاملهولها المتمثل في لأ متخرجيش لأ اوديكي انا لأ اوعي تكلمي شباب عشان بيعضوا بيأثر عليها في الحياة الاجتماعية يا إما تبقى شخصية منفتحة من الكبت و الانغلاق اللي هي فيه يا واحدة متزمتة تكرهك في العيشة و اللي عايشنها مش عارفة تتعامل مع الكائن الذكوري عشان بيعض .
فتخرج من سجنها الصغير على يد المنقذ اللي ايا كان هو مين فهو هينقذها من سيطرة ابوها عليها .. تكتشف انها طلعت من سجن صغير لسجن اوسع شوية , هي برضه تابع لجوزها .. هو الكل في الكل , أما هي فزوجته مش اكتر .. في حين إنها لو عملت جريمة مثلا هي اللي هتتعاقب عليها في القانون مش جوزها ولا ابوها ولا إبن خالتها .. لأن هي مسئولة مسئولية تامة عن تصرفاتها و أفعالها .
معاملة المرأة ككائن تابع دايما طبيعي جدا في مجتمع متخلف و جاهل و غير متقدم بالمرة في اي مجال من المجالات , متقوليش اهرامات عشان مقولكش يا فرحتي بالسياحة ... المرأة عمرها ما هتبقى حرة طول ما في حد تاني بيقررلها حياتها و تصرفاتها , سواء زوج او اب .. و التفسير الوحيد لتعاملهم كدة هو انهم "خايفين عليها" .. لأن هي دايما في نظرهم متعرفش تعتمد على نفسها معرفش عشان هي بإيد واحدة ولا خارسة مثلا الحمد لله كل واحدة لسانها قد كدة قدامها .. و الخوف على المرأة ده و تصويرها بالكائن الضعيف اللي محتاج دايما حد مختلف عنها في التكوين الجسماني يحميها و يحلق عليها هي اللي بتدي الفرصة للطرف التاني للتحكم فيها بإعتبارها متبوعته او الجماعة بتاعته .
لازم نبطل نتعامل معاها زي معاملة الطفل الرزل الصغير اللي ماسك دايما في ديل أمه و محتاس مش عارف يعمل حاجة من غيرها .. بس الفرق ان الطفل بيكبر و بيبقى راجل و الست طول عمرها هتفضل ماسكة في ديلهم .
respect bgd el mwdoo3 da mohm gdaaaaaan
ReplyDeletechapeau ya mirna
eshta bs elset bardo ka2en da3ef heya akeed momkin ta3tamed 3la nfsaha mashy bs 3omrha maht3rf tetsarf fi zay elregala w 3lshan tedaf3 3n nfsaha heya 5rha lesnha aly 2dkeda 2odmha
ReplyDeleteالكلام ده موجود فقط في المجتمعات العربية .. لان دي الثقافة اللي اتربوا عليها .. يمكن بأستثناء دولة او دولتين ذي لبنان هتلاقي الوضع مختلف ... والغريب ان كل ما بنحاول نفنع نفسينا ان القافة دي ممكن تتغير او حتى تتطور نلاقي ان الناس فاهمة ان كل ما تقرب من ربنا اكتر يجب انها تتمسك بعادات وتقاليد أهل زمان ... ده بالأضافة طبعا ان فيه عدد لا بأس بيه من النساء مقتنعات تماما بكل ما هو عكس ما كتبتيه ... اللي طبعا شوفتيهم بيدوا أصواتهم للي هيقعدهم في البيت ويلبسهم نقاب يحجبهم عن اللي حواليهم
ReplyDeleteبجد يا ميرنا جبتيها من الآخر :)
ReplyDeleteالمشكلة انه في بنات بتحب التحكم دا
و يا ريت الناس تفهم بقه
قال رسول الله - صلى الله عليه وسلم "إنما النساء شقائق الرجال ما أكرمهن إلا كريم وما أهانهن إلا لئيم" بس تعرفي احنا ليه مجتمع جاهل ومتخلف زي ما انتي بتقولي عشان احنا بقينا مجتمع فاقد للهويةمن الاخر مجتمع مقلداتي بس للاسف لا عرفنا نقلد الصح ولا عرفنا نحافظ علي نفسنا مبنديش للحاجة العمق الكافي ونسطح الاشياء يا تري المقال ده بالعمق والاتساع الكافي لموضوع انا شايف انه كبير جدا ولا دي قشور الموضوع للاسف كتير منا مظهرجيا علي راي المثل الشعبي سايب الحمار وماسك في البردعة.الكلام اللي يخصك لحد قشور الموضوع بعد كده ده كلام عام مش موجه لشخصك شكرا
ReplyDelete