كان ياما كان .. كان فيه ست لطيفة حامل , راحت للدكتور هي و جوزها عشان تشوف ولد ولا بنت .. الدكتور قالهم البيبي قاعد متقوقع على نفسه و مش عارف اشوف ده ولد ولا بنت بس عموما القعدة اللي قاعدها دي قعدة ولاد , مبروك .
الراجل طار من الفرحة عشان اخيرا هيجيب ولد .. عندهم بنت جميلة , بس طول عمره نفسه ف ولد عشان يشيل إسمه بقى و يسميه على إسم اخوه اللي برضه لما جاب ولد راح مسميه على إسم الراجل اللي مراته حامل ... و بعدين إشمعنى إخواته مخلفين ولاد و هو اللي مراته خلفتله بنت يعني ؟ اقل منهم ف إيه ؟
تجري الايام و الليالي و ييجي يوم ولادة ولي العهد ... عدت كام ساعة و سمع صوت البيبي من جوة , حمد ربنا و شكره ... لقى الممرضة طالعة هي و الدكتور و فرحانين اوي .. قالوله مبروك ! بنتك طالعة زي القمر ماشاء الله عمرنا ما شفنا جمال كدة .. قالهم اه إبني طالع لأبوه .. قالوله لأ جبت بنت مش ولد بس احلى بنت في المستشفى ... مبروك .
الراجل جاتله صدمة .. بنت ؟ إزاي ؟ و ليه ؟ و إخواته يهدوا فيه و راحوا اخدوه و مشوا عشان يروح مكان يهدي فيه اعصابه من اثر الكارثة اللي سمعها .. مشى و ساب المستشفى كلها متجمعة عند الحضانة بيتفرجوا على البنت اللي من جمالها مش عايزين يمشوا و يسيبوها ...
على فكرة دي قصة حقيقية .. و حقيقية جدا , مش مهم مين صاحبة القصة , المهم إنها كبرت و ابوها فضل طول عمره نفسه ف ولد .. بس اللي ميعرفوش انه خلف بنت بميت ولد ...
و المشكلة ان القصة دي حصلت و لسة بتحصل كل يوم و كل دقيقة مع معظم الرجالة , اللي نفسهم في ولد مش بنت و يفضل يخلف و يخلف عشان يجيب ولد... ولد عشان يشيل إسمه , طب عمو عمو هي بنتك مش هتشيل إسمك هي كمان ؟ عمو عمو هو انت راجل ناقص ؟؟
لأ الاحلى و احلى بقى اللي تسأله مراتك حامل ف ولد ولا بنت .. يقولك هقولك بعدين .. اصل هي بصراحة حامل ف ولد و الحاجات دي بتتحسد .. اوه واو ! بجد حامل في ولد ؟ تصدق بجد بجد بهرتني ؟ كنت فاكراها حامل في تنين .. مهو اكيد يا ولد يا بنت .. و بعدين على اي اساس هتتحسد عشان ولد ؟ على اساس انه هيبقى بارم ديله ؟
طب بجد يارب كل واحد نفسه يخلف ولد عشان "يشيل إسمه" و بيتبطر على خلفة البنات .. ربنا يستجيب لأمنيته و يجيب ولد فعلا , بس ولد شاذ بيعمل حواجبه و يحط حسنة بالكحل بتاع الست اللي انطست في نظرها و اتجوزته .. كارما إز اه بيتش دارلينج !
هو بيتقال ان الولد هيشيل اسمه على اساس انه هيتجوز ويخلف ولد برده ويبقى اسمه مستمر بس نعم يعني ايه المشكلة عيلتك تستمر ولا لأ ما زيك زي غيرك يعني اسمك هيستمر بيك مش بولادك ولا حاجة واسمك هيستمر ببنتك برده لو بقت حاجة مهمه وعموما محدش عاجبه حاله زي ما فيه عايزين ولد فيه عايزين بنت اختي جابت 3 ولاد وحملت رابع عشان نفسها في بنت وبتولد قيصري
ReplyDelete