ملحوظة : لو كنت من اصحاب العقول المريضة اللي هتفهم كلامي غلط بطريقة او بأخرى , إرحم نفسك و إرحمني و متقراش احسن .. هذا المقال لمن يقدرون نعمة التفكير فقط .
قالك إيه بقى يا سيدي .. واحد بريطاني قابل شيخ فقاله يا شيخ يا شيخ هو انتوا ليه البنات و الستات عندكم بيتحجبوا ؟ راح الشيخ جابله اتنين بونبوني لامؤاخذة .. واحدة متغطية و مقفولة و التانية مش متغطية و عالارض و ماليانة تراب و ملموم عليها الدبان , قاله لما تيجي تاكل هتختار إيه ؟ البريطاني اسم النبي حارسه و صاينه يارب قاله طبعا المتغطية .. قاله إحنا بقى عشان كدة بنحجب بناتنا و ستاتنا راح البريطاني عينيه دمعت و حضن الشيخ و هاتك يا عياط .
اوك حد يجيبلي كيس اسود بسرعة عشان هرجع !! لأ بجد ! يعني إيه انا اتشبه ب " بونبوني" ؟ سلعة !
سيبك برضه انه بيشبهني بسلعة يا سيدي انا راضية , لكن فكرة ان البنت اللي مش مغطية شعرها انها عالارض و منحلة و كله معلم عليها و ملموم عليها الدبان هي فكرة بشعة على فكرة .. و للأسف الفكرة دي في دماغ ناس كتير , و كتير من الولاد لما بييجوا يرتبطوا او يفكروا يتجوزوا مثلا يقولك انا اخد واحدة محجبة عشان عارفة ربنا و محترمة .
هالو!! مش معنى اني بإرادتي مش محجبة و اخترت اني مغطيش شعري اني ابقى منحلة و معرفش ربنا .. بالعكس ! انا ممكن اكون مؤمنة بربنا اكتر من اي واحد بدقن .. ممكن اكون بصلي و حافظة قرأني و ديني اكتر من واحدة محجبة و من البيت للشغل و من الشغل للبيت , للأسف الفكرة السطحية الغبية الحقيقة في الحكم على الناس من مجرد شكلهم هي نظرة بترجعنا لورا مش بتطلعنا قدام .
يعني ايه اللي يضمنلك ان المحجبة دي محترمة ؟ انا مش بهاجم المحجبات اللي على عيني و راسي من فوق لكن بهاجم فكرة الحكم على الاشخاص بالمظاهر .. نفس نظام " هو اه منافق و حرامي و بتاع نسوان لكن الشهادة لله مربي دقنه و بيصلي الجمعة" .. معرفتكش انا كدة
الحجاب في نظري مش بس حجاب الشعر .. لكن حجاب الروح و الفكر و العقل , العفة مش في المظاهر العفة في تصرفات اللي قدامي اللي بجبره على احترامي مش بحجابي او بلبسي لكن بتفكيري و طريقتي .
و ياريت اي شيخ اي ولد اي بنت اي بتنجان شايفة ان البنات اللي مش محجبة هي سلعة مرمية في الشارع على رأي الراجل الفاضل اللي فوق .. يروح اي مصحة نفسية يعالج فيها نفسه من الافكار الغير منطقية و الشاذة و ياريت نبطل نفكر بأعضائنا التناسلية شوية .
Like :)
ReplyDeleteThis comment has been removed by the author.
ReplyDeleteهوا انتى فعلا معاكى كل الحق .. مش المفروض اننا نحكم على البنت من بره بس لان ممكن تكون من ورا الناس مش محترمه خالص... بس ان الولاد ليه بيتجوز واحده محجبه ده اكيد لان البنت المحترمه و محجبه احسن من البنت المحترمه اللى مش محجبه ده اللى بيفرقو اتمنى فعلاان البنات اللى بتخاف على شعرها و خايفه من الحجاب هما اللى يرحمونا من الفوبيا اللى معيشينا فيها دى!
ReplyDeleteThis comment has been removed by the author.
ReplyDeleteحضرتك انا محترمة وجهة نظرك جدا ... لكن مش موافقاكي ابدا ان البنت المحترمة المحجبة احسن مني انا كبنت محترمة مش محجبة ... تفكير تخلفي في الحكم على الشخص من خلال طرحة تتحط على راسي :) و انا معنديش خالص مانع البنات تتحجب ولا عندي مشكلة مع اي واحدة محجبة هي حرة في كامل تصرفاتها :) لكنها مش احسن مني ... و بمناسبة الفوبيا انا لا اعاني منها إطلاقا .. لكن يبدو ان الكثيرين يعانون من فوبيا المناقشة و الجدال في الدين :)
ReplyDeleteعلى فكره انا ولد مش بنت... و فعلا انا سمعت شيوخ كتير اتكلموا فى موضوع الحجاب و اقتنعت بصراحه ب كلامهم و انتى بس اقري سوره النور و هاتلاقى فيها ايات عن الحجاب... و دي حاجه تخص الدين لو فى حد بنت مش عاوزه تحجب هى حره.. حسابها عن ربنا مش اى حد تانى زي مثلا المسلم اللى مابيصليش و يقول انا بينى و بين ربنا كويس... !
ReplyDeleteواضح ان حضرتك مقهمتش كلامي اللي في المقال ... انا كلامي واضح , انا مبحبش فكرة الحكم على الاشخاص بالمظاهر ممكن المحجبة تدخل النار و انا ادخل الجنة و ممكن العكس بس مش عشان هي محجبة لأ عشان حاجات كتير اهم بكتير من الحجاب بتحدد موضوع الجنة و النار ده ... لكن فكرة الحكم على البنات الغير محجبات على إنهم منحلات او ناقصات عقل و دين هي فكرة رجعية متخلفة لا احترمها ..
ReplyDeleteاصلا مفيش حاجة اسمها نحكم على الناس بشكلهم بلاش نعمل زى السلافين بيخدوا الدين بالمظهرالخارجى و ولا يفكروا بالجوهر الداخلى زى ما فى محجبات كويسة فيه ناس مش محجبات كويسة ! و بردوا انا لا احب التعميم ليس كل السلفية
Deleteانا شايف ان الشيخ لما كلم البريطاني الي هما اصلا كل تفكيرهم باعضائهم التناسلية ذاي ما انت قولتي ان فيه ناس بتفكر كده , هو مش غلط لما وصلوا الكلام كده , اكيد لما واحد فاهم دين او فكره شرقي مش هبقله المثل ده :), بصراحة انا شايف انك اخفقتي في الحكم علي الشيخ ده لمجرد انه تارض مع وجهة نظرك الجميلة , وانا معاكي جدا ان الحجاب ده حجاب الروح و العقل و العفة و عن المعاصي عموما , احييكي ؛(
ReplyDeleteبس عجبتي معرفتكش انا كده :D
سوري بقا للاخطاء اللغوية علشان انا ضعيف في الكتابه :D :P
ReplyDeleteفي فرق بين بنت مش محجبه ولبسها محتشم وبنت مش محجبه ولبسها فاضح وانا مش هعشر كل انسان علشان اعرف كويس ولا لا البنت المحتشمه غالبا ده بيعكس فكرها والبنت اللي تلبس فاضح وكل الناس اللي بتعرفها علشان هدف جنسي بيعكس ثقافتها ولازم اكد علي حاجه ان الحجاب اصلا فرض بالاجماع
ReplyDeleteBig like
ReplyDeletesimply,while u r accusing the 'sheikh' of being too simplistic , ur argument also has fallen in that trap of being too 'simplistic', any muslim girl should wear Hijab because Allah has asked her to do so , regardless of the reason , your arguments remind me of someone who would say "I don't pray ,but anyone who says I am not religious is close-minded and blah blah blah", the only thing left for debate is how wearing Hijab ranks in comparison to Prayer , I am saying it's not as important of course , but it ranks very nearly....
ReplyDeleteصحيح مينفعش اننا نحكم على اى حد من مظهره فقط
ReplyDeleteو لكن السؤال ايه وجهة نظر حضرتك أو غيرك فى عدم الحجاب بعد أمر الله به؟؟
هل هو تحدى لأوامر الله مثلا حاشا لله ام ماذا؟؟؟
و بعدين كيف تقولى حضرتك ان ممكن بنت محجبة تدخل النار و غير محجبة تدخل الجنة فى الوقت ان هناك حديث صريح فى ذلك بأن غير المحجبة لا تشم رائحة الجنة
أختى الفاضلة أستاذة ميرنا
الدين لم يأمرنا لا بالمظهر وحده ولا بالجوهر وحده
و لا ترك لنا حرية الاختيار بمزاجنا فى تنفيذ أوامر الله
و لكن اذا كنا مسلمين فليس أمامنا الا فقط (سمعنا و أطعنا) فى كل أمورنا الشرعية
و حتى عندما يضعف الانسان و يخطىء أو لا يستطيع تنفيذ أحد أوامر الله فأنه يطلب منه الرحمة و المغفرة و العون منه لتنفيذ ذلك الأمر
و ليس الجدل و المراء فى الباطل