عشان عيب – عشان انتي بنت .. طبعا فاكرني اتجنيت لأ متجنتش بس دي هي "الكونفرسيشن" بتاعت كل مرة بحاول اعمل حاجة من المحرمات ... اه محرمات و النيعمة , خد عندك عد ورايا يا سيدي :
1- الدخان : عمركم شفتوا بنت بتشرب سجاير ف نص الكلية بتاعتها ؟ لأ ! ليه ؟ مش عشان السجاير ممنوع في الكلية ما الحلاليف بيشربوا سجاير عادي في نص المخروبة .. بس مينفعش عشان هي " بنت " .. بلاش الكلية مكان العلم ليه احترامه برضه .. طب شفتوا بنت واقفة في الشارع مع اصحابها بتشرب سجاير ؟ لأ برضه .. و الله البنات المدخنين بيصعبوا عليا عشان صعوبة شربهم للسجاير ف اي مكان .. كفاية بصة عبده المشتاق للبنت اللي بتسجر يا يبصلها يقولها استغفر الله كأنه رجس من عمل الشيطان .. يا يغمزلها غمزة "ما تيجي نيجي" .
2- البيات برة : البنت مينفعش تبات برة بيتها .. اموت و اعرف ليه , يا ستي هبات عند صاحبتي انا مش هبات في الشارع .. لأ .. طب ليه عشان مفيش بنت بتبات برة بيتها , معرفش إيه السبب و الله لحد دلوقتي بحاول الاقي لسؤالي إجابة .. السرير بيسأل عليا مثلا و يقول هي راحت فين ولا المخدة بتزعل و تسيب البيت ؟ و يا سلام لو قلت هبات ف اعتصام ولا حاجة .. بحب ف أمي حلولها السهلة يعني " سيبيهم عالنوم " و ف نفس ذات الوقت مينفعش اتأخر ف كدة كدة بتحور عليا .
3- التأخير : بتقعد كل شوية تبص في الساعة لأحسن تكون اتأخرت و تقعد تحسب مسافة السكة قد إيه عشان تعرف هتوصل بالظبط البيت الساعة كام ؟ لأ طبعا عشان انت مش بنت .. هو ليه إحنا كبنات مش بنتأخر ؟ هما مش اهالينا ربونا برضه احسن تربية ؟ يعني الحاجة الأوف العيب الشيطان هيوسوسلي اعملها بليل و الصبح او بليل مش متأخر لأ ؟ طب اعمل إيه لو حسيت إني مضايقة و مخنوقة بليل من بعد منتصف الليل كدة و عايزة انزل اتمشى شوية ؟ لأ اخبط دماغي في الحيط احسن نزول بليل متأخر إيه و كلام فارغ إيه ؟ البنات " المحترمة " مبتتأخرش .. حاضر
4- الشتايم : سوربرااااااااااااااايز ... ايوة البنات بتشتم و لسانها فالت كمان اكتر من الولاد .. بس عشان هي طبعا " بنت " لازم تبقى رقيقة و وشها يحمر لما تسمع شتيمة اللي المضروب بيشتمها عادي و تبصله ببراءة و تقوله " يعني إيه الكلمة دي " ... تقولش الشتيمة اللي بتطلع من بقه بتبقى بريحة المسك و هي لما بتطلع من بقها بتبقى بريحة الكاكا
5- لعب الكورة : ده يمكن مش لمعظم البنات اوي .. بس انتي ممكن تلعبي اي حاجة مع اصحابك إلا الكورة ... كونكان , بصرة , الشايب .. كله إلا الكورة .. انا فاكرة كويس اصحابي الولاد الرزلين لما كنت بقولهم عايزة العب كورة معاكم .. يقولولي " مبنلعبش مع بنات " .. و هو اصلا يكون عنده فلات فووت و مالوش فيها بس برضه ميلعبش كورة مع بنات عشان مينفعش بنت تلعب كورة في الشارع .. بس ده ميمنعش ان المرة الوحيدة اللي لعبت كورة معاهم من ساعتها و هما مش بيفتكروا الواد ميدو غير بالكوبري اللي اخده منى .. اه و النعمة حصل
البنات مينفعش تدخن , مينفعش تتأخر , مينفعش تقف في الشارع لوحدها , مينفعش تبات برة لوحدها , مينفعش تسافر لوحدها ...
أمي العزيزة : ينفع انتحر لوحدي ولا مينفعش ؟
أمك العزيزة عندها حق :D
ReplyDeleteمانشي انت فصيل اكتر من أمي :D
ReplyDeleteاهو اللي يقول الحق اليومين دول يتشتم:D
Deleteهو مقال فكرته كويسة بس لو ليا حق النفد احب اقول ان العيب الوحيد اللي انا شايفه انك مستخدمة لغة عامية اوي ,
ReplyDeleteاول مرة احس ان معنديش اي رد موضوعي بس انا مش معاكي خالص :D
ReplyDeleteاسمعي كلام ماما احسن
مهند :) شكرا .. و بالنسبة للغة العامية انا مش بكتب فصحى اصلا خالص :)
ReplyDeleteمش بقصد فصحي , ممكن تكتبي عامية بس أرقي من كده شوية
Deleteيعني حاولي تحافظي علي اللغة بس في اطار عصري
نيتا :D هي دي اللي بيقولوا عليها عنصرية و خلاص يا صاحبي :D
ReplyDeleteموضوع السجائر والتأخير وطريقة الكلام والنوم بره البيت له علاقة بالمجتمع والثقافه ... الخ
ReplyDeleteلكن موضوع الكوره ده محرم في مصر ومعظم العالم والسبب ببساطة أنكم مالكومش فيها.. قال تلعب كوره معانا قال :p
يهيىء لى أنك تغيرى نظام البلد أسهل ماتغيرى نظام أمك ..ياه اللى بتقوليه ده لسه بدرى علينا قوى
ReplyDeleteكل ده مبني على المجتمع ، و بم إننا في مجتمع متنيل بنيلة ، فهاتفضلي متنيلة بنيلة كده على طول
ReplyDeleteو لو إن ممكن حاجات كتير تعدي زي الشتيمة ، اللي ممكن أتقبلها عادي ، لكن في حدود ، مش كل كلمتين تلاتة شتيمة، البنات برضه "إنسانات" و لازم يخرجوا الراجل اللي جواهم p:
و البيات بره ، ممكن عادي ، و لعب الكورة ، كنا بنلعب سوا أنا و أصحابي و صاحباتي و في هندسة عادي و بصراحة كانت بتكون من أمتع الساعات اللي بيتعدي علينا و كلها ضحك و مزاولات ، و برضه الدخان .. ممكن و لو إني مابحبوش بشكل شخصي لا على واد و لا على بنت
بس مش عارف التأخير ليه عاملي مشكلة !!
يمكن عشان الموضوع عكسي ، يعني المشكلة مش في تأخير البنت نفسه قد ماهو في أمان الشارع.. إنتي عارفة بقه ذئاب الليل ، و ولاد الحرام ماخلوش لولاد الحرام التانيين حاجة !!
شوفي يا بنتي ، الموضوع كله موضوع ثقه .. لو فيه ثقة .. كله بيمشي زي الحنكليس في الميه
Sorry Mirna but we are in a fuckin bullshit society ..
Deleteif u r in usa now ,none of the above will happen
mama msh 3'altana 3lshan 5ayfa 3aliky mn al mogtma3 al zbala da .
anyway keep on writing , i like the way you think ;) ;)
like gdn b2a ya mirna :D:D
ReplyDeletebs b3eed 3n mwdoo3 el article enty w manshy 3rfeeen b3d:D:D 7akeekaaa el dounia de ouda w sala :D
number 2 de7k fash5, el serir bies2al 3alia wala el ma5ada betez3al w tessib el beit :D
ReplyDeleteBas in total i can't agree with you anymore.
ba2olek eh ..enty law benty hasbek te3mli el enty 3ayzaha
ReplyDelete:D ela elkoraa ..elbanat malhomsh feha :P w ma3 e7trami leki mido hwa elmesh by3raf yel3ab mesh enty elbt3rafi tel3abi xD
عجبني موضوع الكوره اكتر واحد
ReplyDeleteانا شخصيا بهيج علي اي واحده بتشرب سجاير وزبي بيقف اويييي
ReplyDelete